Kerwesamschdaach beim SVM – Do muss mer hie!

Am Samschdaach, de 5. September, isses wirre soweit - de SV Mehlbach laadt eich herzlich zur Kerwe ans Sportheim inn. Ob zum Frühschoppe, zum Esse oder äfach uff e paar gemütliche Stunne mit Freunde unn Bekannte - bei uns is jeder herzlich willkomme.

Los geht's ab 11:00 Uhr mit em Frühschoppe. Ab 13:00 Uhr gebt's leckere Schnitzel - Wiener, Paprika, Rahm oder Jäger - mit Pommes unn Salat. Die gebt's als Normal- oder Seniorenportion. Wer lieber was anneres will, kann sich a Frikadelle, Rindswörscht oder Käsewörscht schmecke losse.

Weil mer die Schnitzel uff 300 Stück begrenzt han unn net unendlich Schnitzel mache kenne, misse die bis spätestens 2. September vorbestellt werre. Melde kenne ner eich beim Bastian Graafland 01512 2626416), de Anja Christmann 06301 9071) oder de Doris Diehl 0176 32436791).

Awwer net bloß de Maa kommt uff sei Koschde - die Fußballfans ah. Um 13:00 Uhr spielt unser U70 gäh die Freilichtbühne Katzwiller, unn um 15:00 Uhr trefft de SV Katzwiller 3 uff de FSV Lautre.

Also ihr Leit, komme vorbei, hocke eich zu uns, esse was Guudes, trinke e Schoppe orre e Schorle unn feiern mit uns e schäner Kerwesamschdaach.

Mir frähn uns uff jeden, der vorbeikommt!